من أنا
أنا أحمد عصام، خريج كلية التربية قسم التاريخ بتقدير جيد جدًا. بدأت رحلتي في التعليم بعد الإنتهاء من خدمتي العسكرية في الجيش، وعملت في عدة مدارس حتى أصبحت رئيس قسم مادة التاريخ في إحدى المدارس رغم صِغَر سني، وده بفضل الله ثم اجتهادي ودرايتي بالإدارة والتكنولوجيا إلى جانب تفوقي في مادتي.
بالإضافة إلى ذلك، حصلت على شهادات في علم النفس والتنمية البشرية حبًا في العلم نفسه، وأصبحت أوظّف هذا العلم كدعم نفسي وتربوي لطلابي، علشان أساعدهم يتغلبوا على الضغط والخوف من المادة ويكتسبوا الثقة في نفسهم.
وبفضل خبرتي الطويلة في الميدان التربوي، قررت أخصص وقتي لتقديم مادة التاريخ على منصتي التعليمية الخاصة، بأسلوب حديث يساعد الطلاب على فهم التاريخ بطريقة ممتعة ومؤثرة.
رؤيتي في تدريس التاريخ
أنا مؤمن إن مادة التاريخ مش مجرد أحداث نحفظها علشان نعدي الامتحان. التاريخ هو تجربة إنسانية عظيمة، بنتعلم منها نفهم الحاضر ونرسم المستقبل. وعلشان كده أنا بحاول أوصل التاريخ للطلاب بشكل ممتع وسهل يخليهم يحبوه ويستفيدوا منه فعلًا في حياتهم.
وبفضل الله قدرت أساعد عدد كبير من الطلاب على تغيير نظرتهم للتاريخ تمامًا — من مادة كانوا بيكرهوها لمادة بقوا بيحبوها جدًا وبيستمتعوا بيها. وزرعت فيهم فضول حقيقي للبحث عن تفاصيل أكثر عن الشخصيات والأحداث اللي موجودة في المنهج، وده انعكس على نتائجهم بشكل واضح في الامتحانات، وتقديراتهم بقت ممتازة الحمد لله.
💬 "الحمد لله يا مستر أنا قفلت امتحان الشهر، مكنتش متخيل إني ممكن أحب التاريخ كده والله!"
- محمود من تانية ثانوي
💬 "ربنا يباركلك يا مستر، حضرتك حببتني في المادة جدًا"
- مريم من تانية ثانوي
💬 "شرحك بسيط وممتع، حسّيت إن التاريخ قصة مش مادة نحفظها، شكراً بجد."
- يوسف من أولى ثانوي
💬 "بعد ما دخلت المنصة والله بقيت بستنّى الحصة، ربنا يجازيك خير يا مستر."
- إسراء من تالتة ثانوي
نظام القبول في المنصة
الالتحاق بالمنصة مش متاح لأي طالب مباشرة. في البداية، بيقوم الطالب بالاشتراك في المنصة طبقًا لمرحلته الدراسية.
بعد كده يتم التواصل معك شخصيًا سواء على الواتساب أو تليفونيًا علشان يتم تحديد إذا كنت مؤهل للانضمام بشكل نهائي ولا لأ. الهدف هو ضمان إن كل طالب يدخل المنصة يكون فعلاً ملتزم ومستعد يحقق أقصى استفادة من المحتوى التعليمي.
تواصل على واتسابحالة الاشتراك الحالية
🚫 الاشتراك متوقف حاليًا نظرًا لاكتمال العدد.
يمكنك متابعتنا باستمرار لمعرفة مواعيد فتح الاشتراك القادمة.
أو التواصل على الواتساب من خلال زر واتساب في الأعلى لمعرفة المزيد.
انا جاي اهو ...